Ғылым университет қабырғасымен ғана шектелмейді. Біздің жас социологтарымыз халықаралық ғылыми қауымдастықтың белсенді мүшесіне айналып, өз зерттеулерін беделді конференцияларда ұсынып, заманауи қоғамның өзекті мәселелеріне арналған дипломдық жұмыстарын сәтті қорғап келеді. Биылғы жобалар цифрлық технологиялардың ықпалы, жастардың құндылықтары, отбасы институты және тұтынушылық мінез-құлық сияқты маңызды тақырыптарды қамтыды.
Осы жылдың маңызды оқиғаларының бірі – әріптесіміз Жасмин Битаханның Астанадағы Nazarbayev University-де өткен 16th Annual Gender, Work & Organization Conference халықаралық конференциясына қатысуы болды. Конференция гендер, еңбек, ұйымдар, әлеуметтік теңсіздік және қоғамдық өзгерістер мәселелерін зерттейтін ғалымдардың басын қосты.
Конференция аясында Жасмин "Marriage Choice Strategies among Young People in Almaty" атты баяндамасын ұсынды. Баяндама дипломдық зерттеу негізінде дайындалып, Гүлназ Камзаева, Диана Ағысова және Анель Айтбаевамен бірлесіп, PhD, қауымдастырылған профессор С.С. Серікжанованың ғылыми жетекшілігімен орындалды. Зерттеу Алматы жастарының жар таңдауға, махаббатқа, тұрақтылыққа, қарым-қатынастағы теңдікке және отбасыға қатысты көзқарастарын талдауға арналды. Нәтижесінде неке туралы шешім тек жеке сезімдердің әсерімен ғана емес, отбасының ықпалымен, гендерлік нормалармен, қаржылық тұрақтылықпен және қоғамдағы қалыптасқан құндылықтармен де анықталатыны көрсетілді.
Осы жылдың маңызды оқиғаларының бірі – әріптесіміз Жасмин Битаханның Астанадағы Nazarbayev University-де өткен 16th Annual Gender, Work & Organization Conference халықаралық конференциясына қатысуы болды. Конференция гендер, еңбек, ұйымдар, әлеуметтік теңсіздік және қоғамдық өзгерістер мәселелерін зерттейтін ғалымдардың басын қосты.
Конференция аясында Жасмин "Marriage Choice Strategies among Young People in Almaty" атты баяндамасын ұсынды. Баяндама дипломдық зерттеу негізінде дайындалып, Гүлназ Камзаева, Диана Ағысова және Анель Айтбаевамен бірлесіп, PhD, қауымдастырылған профессор С.С. Серікжанованың ғылыми жетекшілігімен орындалды. Зерттеу Алматы жастарының жар таңдауға, махаббатқа, тұрақтылыққа, қарым-қатынастағы теңдікке және отбасыға қатысты көзқарастарын талдауға арналды. Нәтижесінде неке туралы шешім тек жеке сезімдердің әсерімен ғана емес, отбасының ықпалымен, гендерлік нормалармен, қаржылық тұрақтылықпен және қоғамдағы қалыптасқан құндылықтармен де анықталатыны көрсетілді.
Жас социологтардың тағы бір маңызды жетістігі – «Жастардың цифрлық бірегейлігін қалыптастырудағы TikTok платформасының рөлі: медиалық тәжірибелердің әлеуметтанулық талдауы (Алматы қаласы мысалында)» тақырыбындағы дипломдық жұмыстың сәтті қорғалуы болды. Айғаным Смағи, Биқымбат Нұртас және Лаура Сералина PhD, қауымдастырылған профессор С.С. Серікжанованың жетекшілігімен TikTok платформасының жастардың цифрлық бірегейлігіне әсерін зерттеді. Зерттеу барысында студенттерге сауалнама жүргізіліп, TikTok контентіне талдау жасалды және медиарефлексия деңгейін бағалауға арналған интерактивті әдістер қолданылды. Зерттеу нәтижелері платформа алгоритмдерінің жастардың өзін-өзі таныстыруына, медиалық тәжірибелеріне және мәдени бірегейлігінің қалыптасуына елеулі ықпал ететінін көрсетті.
Сонымен қатар, «Тұтынушылық мінез-құлықтағы сенім: әлеуметтік желілер деректерін табиғи тілді өңдеу (NLP) арқылы әлеуметтанулық талдау» атты дипломдық жұмыс та жоғары бағаланды. Оның авторлары Балнұр Абдығали, Валентина Бледных, Эльзира Нұрланқызы және Акерке Яхияева, ал ғылыми жетекші PhD Айсұлу Тұрсынбайқызы Молдабекованың жетекшілігімен әлеуметтік желілердегі тұтынушылық сенімнің қалыптасуын зерттеді.
Жоба аясында Instagram, TikTok және Threads платформаларынан жиналған 2 700-ден астам пайдаланушы пікірі табиғи тілді өңдеу (NLP) әдістері арқылы талданды. Зерттеу нәтижелері әр платформада сенімнің қалыптасу механизмдері әртүрлі екенін көрсетті: Instagram-да эмоциялық және визуалды коммуникация маңызды рөл атқарса, TikTok-та ақпаратты салыстыру мен сыни бағалау басым, ал Threads-та ашық пікірталас пен беделдік факторлар негізгі орын алады. Зерттеу нәтижелері негізінде тұтынушылық сенімді талдауға арналған цифрлық платформаның тұжырымдамасы әзірленді.
Әріптестерімізді осы маңызды ғылыми жетістіктерімен шын жүректен құттықтаймыз! Халықаралық конференцияларға қатысу мен дипломдық зерттеулерді сәтті қорғау олардың кәсіби әлеуетінің жоғары екенін көрсетіп қана қоймай, қолданбалы социологияның дамуына да үлес қосады. Осындай зерттеулер ғылым мен тәжірибенің байланысын нығайтып, қоғамдағы өзекті үдерістерді тереңірек түсінуге мүмкіндік береді.
Жоба аясында Instagram, TikTok және Threads платформаларынан жиналған 2 700-ден астам пайдаланушы пікірі табиғи тілді өңдеу (NLP) әдістері арқылы талданды. Зерттеу нәтижелері әр платформада сенімнің қалыптасу механизмдері әртүрлі екенін көрсетті: Instagram-да эмоциялық және визуалды коммуникация маңызды рөл атқарса, TikTok-та ақпаратты салыстыру мен сыни бағалау басым, ал Threads-та ашық пікірталас пен беделдік факторлар негізгі орын алады. Зерттеу нәтижелері негізінде тұтынушылық сенімді талдауға арналған цифрлық платформаның тұжырымдамасы әзірленді.
Әріптестерімізді осы маңызды ғылыми жетістіктерімен шын жүректен құттықтаймыз! Халықаралық конференцияларға қатысу мен дипломдық зерттеулерді сәтті қорғау олардың кәсіби әлеуетінің жоғары екенін көрсетіп қана қоймай, қолданбалы социологияның дамуына да үлес қосады. Осындай зерттеулер ғылым мен тәжірибенің байланысын нығайтып, қоғамдағы өзекті үдерістерді тереңірек түсінуге мүмкіндік береді.